الدم
من اهم السوائل فى الحياه كلها
من اغلى الاثمان ايضا
انك تعطى دمك لأى حد..دة معناه انك اديته حياه
اديته قلبك وكبدك وكِليتك....... وحاجات كتير الدم من مكوناتها
جمله(حرق دم)هى معناها ان الدم لما يكون تمن غالى اوى..وحد يطيروا فى الهوا بلا اى فايدة او لازمه
حد يحرقه عشان يتبخر ويبقى مثل بخار المياه
مجرد بخار...هوا
الدم
تمن غالى اوى لأى حاجه مهما كانت
تمن مابيطلعش غير فى تقريبا 3 حالات
ارضك-عرضك-بلدك
لكن...بالنسبالى انا
تمن رخيص جدا
الدم ...تمن مستعده ادفعه فى اى وقت عشان خاطر اى حاجه بأنتمى ليها
انغام-موبينيل-الاهلى-اصحابى-اخواتى-موبايلى-سلسله مفاتيحى -فلوسى-هدومى-دينى-اسكندريه-باراجواى-الكليه-الكومبيوتر -سريرى-كتب
احمد خالد توفيق-عمرو دياب-القراءه-الصحافه-شنطتى وحاجات كتير تانيه بالملايين
لا
بالمليارات
لا
غير معدوده,وغير محدوده
بس آخرهم..انا
نفسى
الحاجات اللى فوق دى مش بالترتيب..بس اى واحدة فيهم بتبقى رقم واحد وقت اللزوم
وكلهم رقم واحد
حاجات سهل جدا بالنسبالى انى ادفع تمن ليها
تمن الدم...والحياه نفسها
عشان الحياه عندى يأما ابيض
يأما اسود
عشان انا مؤمنه بعبارة(ان لم يكن من الموت بد..فلنمت كما يموت الابطال)ودى من تعديلى
عشان انا مستعدة اموت فى اى لحظه عشان خاطر حاجات تافهه زى دى
فما بالكم بمصر ذات نفسها؟؟
الدم...تمن رخيص اوى بالنسبالى
تمن مستعدة ادفعه فى اى وقت
يارب فكرتى تكون وصلت
ملحوظه:النووت دى والكلام دة شئ خاص بيا ومحبوس جوايا بقاله شهور
صحيح- وأكيد - انه بداخل اى حد فينا
بس انا حبيت اعبر عنه لعل وعسى افيد اى حد
اوصل فكرة اى اى حاجه انت بتحبها ..فانت عايش عشان الحد او الشئ دة
وبدونه...الحياه=صفر
وعشان ساعتها الحياه هتساوى صفر,الدم هيكون تمن رخيص اوى ساعتها
عشان كدة عامله النووت ان كل الناس تقدر تشوفها
لعل وعسى ان الفكرة توصل
 |
| بالدم...بدمى |
ليست هناك تعليقات:
إرسال تعليق