المجندة الاسرائيليه طلعت تتكلم تانى
 |
| صورة نشرتها منظمة "لنكسر الصمت" الثلاثاء 18 آب/اغسطس تظهر مجندة اسرائيلية تقف الى جانب معتقل فلسطيني معصوب العينين ومكبل |
هو تقريبا..الشعب بحاله متعصب
مع ان دة صعب جدا
ومع انى متفهمه مبدأ الوطنيه وان من حق اى حد يتعصب لبلده او دينه..دة عادى جدا
بس اول مرة اشوف شعب متعصب للدرجه دى
انا ضد التحيز ضد شخص بسبب لونه او دينه او بلده
مع الاعتراف بحق الانسان فى حبه و تعصبه للحاجات اللى بينتمى ليها
لكن مش من حقك تهاجم اللى قصادك عشان حاجه من دول
لكن فى نفس الوقت..من حقك تدافع اكيد
لو تقدر تدافع بالطرق الشريفه..يبقى قشطه اوى
لكن احيانا بنلاقى ان كل الطرق مباحه فى الحروب
صحيح مافيش شرف فى كدة
بس بيبقى النجاح الاعلى فى انك وصلت وحققت هدفك
ودة شئ موجود فينا
الشرف وعدم الشرف
عشان احنا...بشر..بنغلط
اى حد هيحاول يوصل لهدفه بأى طريقة
.
.
فى التمثيل..........
فيه فرق ما بين الفارس..والبطل
البطل هو اللى بيقدر يوصل للى عايزه بأى طريقة ممكنه
اما الفارس هو اللى يقدر يوصل.. لكن بالطرق الشريفة
دة طبعا فينا
..احنا بشر
مش ملايكه ولا قديسين ولا انبياء ولا رسل
احنا بشر مش معصومين من الخطأ
بس متفقين ان دة من حقك
لكن مش من حقك -للمرة التانيه- تضطهد اى شخص عشان لونه او دينه او بلده
"وكانت وزارة الاعلام الفلسطينية دانت هذه الصور ورات فيها "دليلا دامغا يعبر عن الحقد الدفين" والعقلية العنصرية التي تسود المؤسسة العسكرية لجيش الاحتلال"
بيفكرونى باغنيه الضمير العربى فى كوبليه بيقولوا: وسلاح الشجب معانا شايلينه للأزمات
وكان ردى: يا خيبتها....هو دة سلاح؟؟
لا ..وشايلينه فوق الدولاب تقريبا...للأزمات بس؟
دة باعتبار اننا مش فى ازمه..ودة لعب عيال
كان الله فى عوننا
