الموضوع دى بيعبر عن الرأى الخاص بيا انا لوحدى
ايوة نظام التعليم فى مصر فاشل
نظام التعليم فى مصر فاااااااااااااشل-حقيقه
والسبيل لأصلاح اى دوله يبدأ بأصلاح التعليم فيها
وانا بقول
انا لو مسكت وزاره التربيه والتعليم فأنا هصلحه
الصراحه.....لو المدهش ابو سعيد(اهل اسكندريه فقط يعرفوه) لو مسك الوزاره...هيصلحها
انا لو مسكت الوزاره هعمل ايه؟
المواد:رسم+ موسيقى اجبارى لحد ما قبل الكليه
المواد: عربى, انجليزى, رياضه,علوم ,دين,دراسات اجتماعيه
اجبارى لحد 3 ابتدائى
من 3 ابتدائى هيدرسوا فرنساوى او المانى..على حسب اختيار الطالب+المواد الاجباريه+انجليزى هاى ليفل من بتوع المدارس اللغات
ومش الانجليزى بتاع: هالو ماى نيم از كريم ايام 10 يرز اولد
لا
يدرسوا هاى ليفل
فى اولى اعدادى بقى نبدأ نقسم مجموعات
رياضه فى مجموعه
وعلوم(بكل اقسامها )فى مجموعه
و ادبى بكل اقسامه فى مجموعه
مع ذياده مواد الاحصاء والاقتصاد فى كل المجموعات لمدة ال3 سنين اعدادى
ثلاثه سنين ثانوى اخرهم فقط شهادة ويكونوا مقسمين كالأتى
مجموعات متخصصه
مثلا:........
علوم(احياء)+عربى+ انجليزى+ لغه ثانيه+ اقتصاد + احصاء+دين+رسم او موسيقى وتبقى هوايات(مش مادة اساسيه) ويتعمل عليها مسابقات فى نهايه كل فصل وعليها 10 %من المجموع
ومش الاحياء بتاعه الثانويه دلوقتى..لان عشان دى مجموعات متخصصه..هايبقى دراسه مبادئ كليه الطب بمعنى اصح
ويتطلب النجاح فى الماده الاساسيه(علوم احياء) بنسبه 85% للألتحاق بكليات الطب البشرى او البيطرى او العلوم قسم احياء
المجموعه المتخصصه الثانيه مثلا
رياضه(هندسه وجبر)+عربى+ انجليزى+لغه ثانيه+اقتصاد+احصاء+دين+رسم او موسيقى وتبقى هوايات(مش مادة اساسيه) ويتعمل فيها مسابقات فى نهايه كل فصل دراسى عليها 10%من المجموع
المجموعه الثالثه المتخصصه
جغرافيا+عربى+انجليزى+لغه ثانيه+اقتصاد+احصاء+دين+رسم او موسيقى وتبقى هوايات(مش مادة اساسيه) ويتعمل عليها مسابقات فى نهايه كل فصل وعليها 10 %من المجموع
ويتطلب الانتقال للمرحله التاليه من الدرسه الثانويه نسبه نجاح عامه
80%
اما بالنسبه لاخر سنه يتطلب نسبه نجاح قدرها90% للتخرج
بكدة الطالب بيدرس ماده او اتنين ذياده كل سنه
فى ابتدائى بيدرس عربى وانجليزى ورياضه ودين
فى تالته ابتدائى بيبدأ يدرس فرنساوى مثلا+معاه اللغه الانجليزيه
فى اعدادى...الطفل بينجذب ناحيه المجموعه اللى بيحبها
اداب او علوم او رياضه
+
معاه احصاء واقتصاد...طبعا بنتكلم على مناهج غير اللى موجوده
التخصص مش فى الكليه
التخصص بيبدا من ثانوى..الكليه هايكون هدفها تخريج ناس للعمل
فى ثانوى الطالب بيوصل ومعاه عربى وانجليزى ولغه تانيه وموهبه سواء رسم او موسيقى+مهنته لما يتخرج
نسبه نجاح 90% فى النموذج اللى انا حاطاه دة عادى جدا خصوصا لما تعرف ان الطالب بيدرس المادة اللى هايشتغل فيها من اولى اعدادى
طالب علوم فيزياء مالوش دعوة ساعتها بالهندسه
لكنه درسها ودرس الارقام فى ابتدائى واعدادى..ومعاه المبادئ
دة غير ان دة علم مترابط...وكلامى دة عشان محدش يقول ان النموذج فاشل
بالمختصر المفيد وعشان محدش يقول ان النووت طويله والخط صغير وعنينا بتوجعنا
دة الراى بتاعى انا
لكن محتاجه أراءكم
انتوا شايفين ايه انظمه تانيه لأصلاح التعليم
مش عايزة ناس تتفق وتختلف معايا
عايزة ناس تقول خطوات
بالمختصر المفيد...عايزة ناس تحط نمازج من عندها
مش عايزة موافقه على النموذج بتاعى
وفى الاخر اشكر الصديقة امانى انها قالتلى اقول فكرتى..ويارب الموضوع يكون قصير
اشكر الصديق جورج انه قاللى على فكرة ان النووت تكون فى طريقة استطلاع راى
:) اشكر كل اصحابى اللى بنقعد مع بعض نتكلم فى مواضيع زى دى بدل ما نجيبسيرة النااااااااااااااس
